رئیس جمهوری افغانستان و رقیب وی برای تشکیل دولت وحدت به توافق رسیده‌اند. به گزارش خبرگزاری اسپوتنیک، یکی از منابع کاخ ریاست جمهوری افغانستان گفت:‌ عبدالله عبدالله، مدیر سابق اجرایی دولت افغانستان دیگر تصمیمات مقام‌های افغانستان را به چالش نمی‌کشد و وتو نمی‌کند و اشرف غنی، رئیس جمهوری از سوی وی به رسمیت شناخته می‌شود. به گفته این منبع مطلع، عبدالله در روند صلح نقش رهبری خواهد داشت و نقش وی در داخل دولت نیز بعدا اعلام می‌شود. هم اشرف غنی و هم عبدالله عبدالله پس از انتخابات ریاست جمهوری مورد مناقشه سپتامبر گذشته میلادی خود را رئیس جمهوری افغانستان می‌دانستند. اشرف غنی مجبور شد تا با عبدالله که اکنون مسئول نیمی از پست‌ها در کابینه وزرا خواهد بود، موافقت کند. این منبع مطلع در کاخ ریاست جمهوری افغانستان همچنین گفت، دو طرف قرار است در روزهای آتی توافق اشتراک قدرت را امضا کنند.

 

کپی شد